ముంచంగిపుట్టు,పెన్ పవర్
,జూలై10:ముంచంగిపుట్టు మండలం కుమడ పంచాయతీ కెందుగూడ పాఠశాల భవన నిర్మాణానికి రాష్ట్ర విద్యాశాఖ మంత్రి నారా లోకేశ్ రూ.15లక్షలు మంజూరు చేశారని గిరిజన సంక్షేమ శాఖ మంత్రి గుమ్మిడి సంధ్యారాణి తెలిపారు.ముంచంగిపుట్టు మండలం మారుమూల కుమడ పంచాయితీకీ చెందిన కేందుగూడ గ్రామ పాఠశాలలో విద్యార్థుల చదువు నిమిత్తం తల్లి దండ్రులు శ్రమాధానంతో రేకుషేడు నిర్మించిన విషయాని వివిధ వార్త పత్రికలలో, సమాచార మాధ్యమాలలో ప్రచురితమైన విషయం తెలిసిందే.వీటిపై స్పందించిన ఆంధ్రప్రదేశ్ విద్యాశాఖ మంత్రివర్యులు నారా లోకేష్ పాఠశాల నిర్మాణం కొరకు 15 లక్షల రూపాయలు మంజూరు చేశారు.ఈ విషయం తెలుసుకున్న గ్రామస్తులు మండల ప్రజలు హర్షం వ్యక్తం చేశారు.ఇవేకాకుండా పక్కా భవనాలు లేని 408 పాఠశాలలు గుర్తించినట్లు మంత్రి తెలిపారు.వాటి నిర్మాణానికి రూ.56 కోట్లతో అంచనాలు రూపొందించి ప్రభుత్వ మంజూరుకు సమర్పించామన్నారు.
About The Author
