అల్లూరి జిల్లా చింతపల్లిలో "ఆకాశవాణి ఎఫ్ ఎం" కేంద్రం ఏర్పాటు!

✒️12.5 కోట్ల నిధుల మంజూరు!

స్టాప్ రిపోర్టర్,పాడేరు చింతపల్లి, జులై 16: పెన్ పవర్ న్యూస్:  

అల్లూరి సీతారామరాజు జిల్లా చింతపల్లి మండల కేంద్రంలో ఆకాశవాణి ఎఫ్ఎం కేంద్రం ఏర్పాటుకు కేంద్ర ప్రభుత్వం 12.5 కోట్ల నిధులను మంజూరు చేసింది.కొండ శిఖర ప్రాంతాలకు ఆకాశవాణి సేవలు అందుబాటులోనికి రాకపోవడంతో ఈ విషయం ఆకాశవాణి కేంద్రం కేంద్ర ప్రభుత్వానికి నివేదిక సమర్పించింది.దీంతో చింతపల్లి కేంద్రంగా ఆకాశవాణి ఎఫ్ఎం కేంద్రాన్ని ఏర్పాటు చేయడానికి కేంద్ర ప్రభుత్వం గ్రీన్ సిగ్నల్ ఇచ్చింది.దీంతో ఆల్ ఇండియా రేడియో అధికారులు చింతపల్లి ప్రాంతానికి వచ్చి ఆకాశవాణి కేంద్రం ఏర్పాటుకు స్థల పరిశీలన చేసి పనులకు రంగం సిద్ధం చేస్తున్నారు.దీంతో మరికొద్ది రోజుల్లో అల్లూరి జిల్లా మన్యం ప్రజలకు ఆకాశవాణి ఎఫ్ఎం రేడియో ప్రసారాలు అందుబాటులోనికి రానున్నాయి ఆదివాసి ప్రజలకు వినోదాన్ని పంచేందుకు ఆకాశవాణి అధికారులు అన్ని ఏర్పాట్లను చేస్తున్నారు. చింతపల్లి ప్రధాన కేంద్రంగా ఆకాశవాణి ఎఫ్ఎం కేంద్రాన్ని ఏర్పాటు చేయడం వలన సుమారు అల్లూరి జిల్లాలోని మారుమూల ప్రాంతాలలో ఆకాశవాణి సేవలు అందుబాటులోనికి రానున్నాయి.