చట్టాల పై అవగాహన పెంచుకోవాలి

గిరిజనుల రక్షణ కోసం ఏర్పాటుచేసిన ప్రత్యేక చట్టాల పై గిరిజనులు అవగాహన పెంచుకోవాలని రంపచోడవరం ఫస్ట్ క్లాస్ మెజిస్ట్రేట్ పీ బాబు అన్నారు. శుక్రవారం రంపచోడవరం మండలం రంపలో ప్రపంచ ఆదివాసి దినోత్సవం పురస్కరించుకొని మండల  న్యాయ సాధికార సంస్థ ఆధ్వర్యంలో ఏర్పాటుచేసిన న్యాయ విజ్ఞాన సదస్సుకు మెజిస్ట్రేట్ బాబు ముఖ్యఅతిథిగా హాజరై ప్రసంగించారు. గిరిజనుల రక్షణ కోసం 1/70 చట్టం ,పీసా చట్టం తదితర ప్రత్యేక చట్టాలు ఉన్నాయని ఆయన వివరించారు. అలాగే ప్రపంచ ఆదివాసి దినోత్సవం విశిష్టతను వివరించారు. గిరిజనులు దళారులను నమ్మి మోసపోవద్దని సూచించారు. అసాంఘిక కార్యకలాపాలకు దూరంగా ఉండాలని, తద్వారా యువత బంగారు భవిష్యత్తును ఏర్పాటు చేసుకోవచ్చని సూచించారు .ఈ సందర్భంగా పలువురు న్యాయవాదులు ఆదివాసీ దినోత్సవం, ఆదివాసి ప్రత్యేక చట్టాల గురించి వివరించారు. అనంతరం గ్రామంలోని వృద్ధులకు దుస్తులను పంపిణీ చేశారు .ఈ కార్యక్రమంలో రంపచోడవరం సర్కిల్ ఇన్స్పెక్టర్ వెంకటేశ్వరరావు, సబ్ ఇన్స్పెక్టర్ మోహన్ ,కోర్ట్ హెడ్ కానిస్టేబుల్స్ రమేష్ ,వెంకటేష్ ,దొర, సతీష్ ,నాగేశ్వరరావు, హరిబాబు, శివ, న్యాయవాదులు ఎం వి ఆర్ ప్రకాష్ ,భగవాన్ కోర్టు సిబ్బంది పాల్గొన్నారు.